Üs isch wichtig, dass mir z’Wüsse und Kreativität vor allem hie i üser Umgebig isetze und so es Stück für d Förderig vo der Region chöi biträge.

Mir si ir ganze Schwiz unterwegs. Bsünders schön isches, wenn mir hie au de chlinere Unternehme, Einzelfirme und Vereine mitemene Fium vo üs chöi e Freud bereite u z Vorhabe unterstütze.

Üses Wüsse basiert uf fundierte Usbildige und Arbeit während über 10 Jahr ir Fiumproduktion. Es isch üs es Alige, dass mir choschtegünschtig chöi produziere. Da mir sehr guet mit professionellem Fiummaterial usgstattet si, chöi mir schnell vor Ort si und si nid auf höhi Mietchöschte und Agenture agwise. Mir freue üs uf die nächschte 10 Jahr.

Ig bi überzügt, dass we me a guete Job macht, dass me derzue nid umbedingt uf Website Suechresultat agwise isch. Ig muess kei Werbig uf Google schalte, keini Websitebsuecher ufzeichne um mis Gschäft witer z’entwickle. Ig bi überzügt, dass sich das wie bis anhin sehr stark uf dr emotionale und persönleche Äbeni witerentwicklet und das freut mi sehr. Somit steue ig die Site Euch in dialekt zur Verfügig. Es hilft mir, z Bärndütschschribe wieder chli z lehre und Euch, mi zverstah, so wie mir dr Schnabu gwachse isch. Ig freue mi uf Dini Afrag. Meld Di früeh gnueg, so dass ich Di cha berate.

Bis gly, Simon.